“Faleminderit”, Zelensky shpreh mirënjohjen për vendet e BE-së në Samitin e Brukselit: Populli ukrainas nuk është i vetëm

Presidenti ukrainas Volodymyr Zelensky shprehu falënderimet e tij për vendet e BE-së pas mbërritjes në Samitin në Bruksel.

“Populli ukrainas nuk është i vetëm”, ​​theksoi Zelensky, i cili falënderoi vendet anëtare për “mbështetjen e tyre të fortë që nga fillimi i luftës në Ukrainë”, duke vënë në dukje se “mesazhi juaj është i fortë për popullin ukrainas dhe luftëtarët në front”.

Volodymyr Zelensky u prit nga Presidenti i Këshillit Evropian, Antonio Costa, dhe Presidentja e Komisionit, Ursula von der Leyen.

Antonio Costa tha se sot pritet të merren vendime për forcimin e mbrojtjes evropiane, përmes së cilave do të forcohet edhe mbrojtja e Ukrainës.

“Ne jemi këtu për të mbështetur Ukrainën për një paqe të drejtë, gjithëpërfshirëse dhe të qëndrueshme,” tha ai.

Nga ana e saj, Ursula von der Leyen foli për një pikë kthese për Evropën.

“Evropa duhet të jetë në gjendje të mbrohet. Në të njëjtën mënyrë, ne duhet ta vendosim Ukrainën në një pozicion për të mbrojtur veten”, tha Von der Leyen, duke folur për planin “Riarmatimi i Evropës”, i paraqitur nga Komisioni dy ditë më parë, i cili do të lejojë përdorimin e deri 800 miliardë eurove./vizionplus.tv