Fatjona Kasapi fiton medaljen e bronztë në Lojërat Mesdhetare
PRISHTINË, 28 gusht /ATSH/ Xhudistja kosovare Fatjona Kasapi ka fituar medaljen e bronztë në Lojërat Mesdhetare “Taranto 2026”.
Kasapi ishte e lirë në xhiron e parë, ndërsa në çerekfinale u mposht me Ippon nga francezja Pauline Cuq.
Ajo e vazhdoi garën përmes repasazhit, ku në luftën e parë ishte e lirë. Në duelin e dytë të repasazhit, Kasapi triumfoi me Yuko ndaj portugezes Maria Siderot, duke siguruar luftën për medaljen e bronztë.
Në përballjen vendimtare për podium, Kasapi e mposhti me Yuko italianen Gaia Stella dhe kështu fitoi medaljen e bronztë për Kosovën.
/Kosovapress/