Fëmijët e dhunuar, Ksera: Kemi shpëtuar 1 mijë fëmijë

Përvec panoramës të një dite festive, ka mjaft fëmijë që në 1 qershor gjenden në rrugë duke lypur apo duke shitur ato pak produkte. Ministria e Punës ka hartën e fëmjevë të familjeve të varfëra, të cilët nuk marrin as shërbimet më minimale e që nuk kanë mundësi të blejnë librat e shkollës. Në mbështetje të tyre janë ngritur 49 njësi në 23 qytete, por këto njësi duhet të hapen në vendet ku mungojnë dhe kjo kërkon investim.
 

Në Shqipëri fëmijëria mbetet e vështirë dhe kjo tregohet nga raporti i Ministisë së Punës, sipas së cilit qëndrat për mbrojten e të drejtave të fëmijëve për një vit kanë trajtuar 953 fëmijë në nevojë. Fëmijëri të vështirë nuk ka vetëm në Tiranë, sepse sic tha Ambasadori i Bashkimit Europian, Ettore Sequi, në Europë 19 per qind e fëmijeve jane te rrezikuar, shifër kjo që në Shqipëri është disa herë më e lartë.
 

"Rreth 19 për qind e fëmijëve në Europë janë të rrezikuar dhe kjo përqindje është shumë e lartë në Shqipëri. Shqiperia eshte nje vend qe do te jete pjese e Bashkimit Evropian, që do te thote, se do te plotesoje 11 prioritetet dhe ate te 11-in qe lidhet me te drejtat e njeriut, çka eshte e rendesishme per gjithe vendin" tha Sequi.
 

Ambasadori Sequi kërkoi nga qerveria shqiptare investime për të ngritur të tjera njësi për mbrotjen e të drejtave të fëmijëve, sidomos në zonat rurale. Raportet e bërë nga UNICEF në Shqipëri tregojnë se 45% e fëmijëve dhunohen në familje dhe 42% e tyre kanë pohuar se përjetojnë një nga format e dhunës edhe në shtëpi.

Gjithashtu në raport thuhet se fëmijët më të rrezikuar janë ata të zonave urbane më shumë se ata ne zonat rurale. Qyteti i Elbasanit ka shifrën më të lartë të trajtimit te femijeve te rrezikuar, 56 raste të reja dhe më pas vjen Pogradeci me 39 raste të reja.