Fillon votimi ne Kosove masa te rrepta sigurie ne veri

Kosove 12 dhjetor NOA- Hapen qendrat e votimit ne Kosove per te zhvilluar zgjedhjet e para pas shpalljes se Pavaresise.

Mesohet se ne keto zgjedhje do te jene te pranishem rreth 32 mije vezhgues te cilet do te monitorojne garen elektorale per 120 vende ne parlament.

Jane 29 subjekte politike te cilat garojne nga te cilat 7 i perkasin shumices shqiptare 8 jane nga radhet e komunitetit serb 4 jane subjekte boshnjake 2 turke dhe 8 subjekte nga pakicat e tjera.

Komisoni Qendror i Zgjedhjeve ka konfirmuar se numri i pergjithshem i votuesve kosovare varion mbi 1.6 milion.

746 do te jene qendrat e votimit ndersa vendvotime jane 2.280 ku qytetaret kosovare do te votojne per te zgjedhur ligjvenesit e tyre. Keto qendra votimi do te qendrojne te hapura prej ores 07.00- 19.00.

E ndersa i diskutueshem eshte procesi zgjedhor ne veri te Kosoves pasi perfaqesuesit serb te veriut jane shprehur te prere per mospjesemarrje te komunitetit te tij ne keto zgjedhje qendrat e votimit jane hapur edhe ne kete zone.

Behet me dije se autoritetet e rendit kane marre masa te rrepta sigurie qe procesi i votimit te mos kete probleme.

Ne radhet e vezhguesve zgjedhore mbi 26 mije u perkasin partive politike 493 organizatave nderkombetare 351 ambasadave si dhe mbi 5 mije vezhgues nga organizatat joqeveritare.

Keto zgjedhje te jashtezakonshme vijne pas shperndarjes se Kuvendit me 2 nentor pas mocionit te mosbesimit te qeverise. Gara zhvillohet konkretisht per 100 vende ne parlament pasi 20 vendet e tjera u perkasin 10 komunitetit serb dhe 10 te tjerat pakicave te komuniteteve te tjera.