Financat: E ekzagjeruam me taksat per patatet e Kosoves
Detaje mbi rishikimin nuk jane ende te disponueshme. Financat reaguan pas ankesave te disa tregtareve kosovare per reference doganore pertej çdo logjike qe i kishte perjashtuar nga tregu shqiptar.
Ne nje lajm te gazetes kosovare “Expres”, Bedri Kasumi, pronar i fabrikes “Pestova”, tha se “çmimi referues per pataten e eksportuar drejt Shqiperise eshte vendosur 50 cent te euros per kilogram, dy here me i larte sesa çmimi real ne tregun me shumice”.
Per pasoje, eksportuesit kosovare duhej te paguanin 10 cent TVSH ne çastin e importit, ndersa çmimi me shumice i patateve ne Shqiperi eshte rreth 20 cent per kilogram. Ne keto kushte, Kosova eshte perjashtuar nga tregu i shtetit ame. Eksportuesit kosovare zene nje pjese te paperfillshme te tregut te patateve te importuara ne Shqiperi. Shumica derrmuese e patateve vjen nga prodhimi vendes por importe ka edhe nga Holanda, Greqia e Italia. Ne total, rreth 90 per qind e tregut ngopet nga prodhimi vendes.
Nga Kosova importohet nje sasi patatesh prej rreth 200 mije eurosh ne vit, kuote kjo e paperfillshme ne treg, por e paperfillshme edhe per te ardhurat doganore te qeverise.
Referencat ne rritje
Tregtaret dhe shoqatat e biznesit po ankohen gjate muajve te fundit per çmime reference ne dogana shume me te larta nga realiteti i tregut.
Ministria e Financave thote se “vetem” 22 per qind e praktikave doganore kryhen duke marre per baze çmimet reference, por tregtaret thone se rasti i patateve te Kosoves eshte vetem nje nga abuzimet e shumta. Dhoma Amerikane e Tregtise u ankua pak jave me pare per referenca te fryra ne koston e transportit te mallrave ne det. Qeveria zbaton reference doganore ne masen mbi 3 mije dollare per ton, nderkohe qe çmimi real i ketij sherbimi eshte dy here me pak sot, si pasoje e krizes financiare nderkombetare.
Referencat po perdoren me bollek edhe ne administraten tatimore. Nga kostoja e punes te çmimet e shitjes se apartamenteve, sot ne Shqiperi veshtire se mund te thuhet se “çmimet i cakton tregu”. Çmimet qe prej disa vitesh ne shumicen derrmuese te rasteve ka filluar t’i percaktoje Ministria e Financave.
Burime jozyrtare nga doganat bene te ditur gjithashtu se vendosja e tarifave spekulative te importit te patateve nga Kosova nuk ka lidhje me ankesat e fshatareve te zones se Kukesit, te cilet kete vit u perballen me nje bum te papritur te prodhimit te patates dhe nuk paten treg dhe mundesi per ta shitur ate.