Fitoret Champions për United, Spurs dhe Newcastle, humbet Chelsea
Java e 30-të e Premier League hapet me fitoren 2-0 të Manchester United ndaj Evertonit në Old Trafford. Djajtë e Kuq sulmuan menjëherë zonën e Toffees, por Pickford bllokoi Rashford. Në minutën e 12-të Antony goditi shtyllën, më pas aksioni vazhdoi dhe Ëan-Bissaka e dërgon jashtë. Pas një rasti tjetër për brazilianin, vendësit kaluan në avantazh në minutën e 37-të: Sancho i shërbeu McTominay-t në zonë, i cili goditi fort në shtyllën e afërt, duke firmosur 1-0. Në pjesën e dytë, shfaqja vazhdon me Pickford, i cili ndalon edhe Bruno Fernandes në mesin e pjesës së dytë. Në minutën e 71-të, megjithatë, 2-0 nga skuadra e Ten Hag është e pashmangshme: Rashford sheh Martial në qendër. Gjithçka e lehtë për francezin, i cili dyfishon i vetëm përballë portierit dhe mbyll përfundimisht ndeshjen. United ngrihet kështu në 56 pikë dhe konsolidon vendin e tij në zonën Champions, ndërsa Everton i Dyche mbetet në 27, duke u përfshirë gjithnjë e më shumë në luftën për të mos rënë.
TOTTENHAM-BRIGHTON 2-1 – Në përballjen tërësisht italiane mes Stellinit dhe De Zerbit, nisën fuqishëm miqtë, të cilët iu afruan golit me Mitoma. Spurs reaguan, rritën presionin dhe kalojnë në avantazh në minutën e 10-të, autor është Son. Gjithsesi, kur kishte kaluar gjysmë ore lojë është Brighton që shënon me Dunk, 1-1.
Në pjesën e dytë, nervozizmi shpërtheu mes dy stolave, me përjashtimin e Stellinit dhe De Zerbit nga arbitri. Në fushë Spurs shtyjnë dhe arrijnë të rifitojnë avantazhin edhe një herë falë kapitenit të tyre: në minutën e 79-të Kane nuk i lë rrugëdalje Steele. Brighton tenton të rikuperojë rezultatin në finale, por pa sukses. Tottenham fiton 2-1, duke u ngjitur në 53 pikë, -3 nga vendi i katërt.
BRENTFORD-NEWCASTLE 1-2 – Goditje e Newcastle, që mundi 2-1 Brentford. Magpies nuhasin aromën e Evropës, por janë vendasit që befasojnë: Toney i zakonshëm gjendet i pambuluar në zonë, por arbitri anulon për pozicion jashtë loje. Sulmuesi anglez do të kishte mundësinë për të kompensuar në minutën e 30-të, por goditja e tij e nga pika e penalltisë gjen reflektimin e madh të Pope. Gjithsesi, në minutën e 46-të, Toney kanjë tjetër penallti, këtë herë e pandalshme për ish-portierin e Burnley-t dhe goli i 18-të në kampionat. Megjithatë, duke u kthyer nga dhomat e zhveshjes, është një Newcastle krejtësisht ndryshe. Skuadra e Hoëe fillimisht barazoi falë autogolit fatkeq të Rayas në minutën e 54-të, dhe më pas përfundoi rikthimin me Isak në minutën e 61-të. Përfundon 2-1 për Newcastle, të cilët ushqejnë ambiciet e tyre në Champions League duke qëndruar në vendin e tretë me 56 pikë.
WOLVERHAMPTON-CHELSEA 1-0 – Lampard nuk e nisi mirë në stolin e Chelseat: Wolverhampton fitoi 1-0. Londinezët krijuan shumë lojë në fillim, Fofana për pak sa nuk shënoi nga një goditje këndi, por me kalimin e minutave vuajtën nga intensiteti i Ujqërve, të cilët gjetën avantazhin në minutën e 31-të, me Nunes që mposhti Kepa-n. Në pjesën e dytë, fillimisht Sterling dhe më pas Havertz kërkojnë korridorin e duhur, por nuk arrijnë të realizojnë mundësitë e tyre. Ëolverhampton mbrohet me rregull, Chelsea sulmon me entuziazëm, por forca përfundimtare nuk mjafton. Ujqërit fitojnë, duke u ngjitur në 31 pikë. Blutë u ndalën në 39.