Formulari A1, si do plotesohet

Luljeta Ndoka
Edhe pse dje ishte afati i fundit per plotesimin e formularit A1, pjesa derrmuese e tyre nuk jane dorezuar ende nga maturantet. Keta te fundit aktualisht po bejne "prova" se si t'i plotesojne pa gabime, pas fotokopjimit qe i kane bere kopjes se vetme qe u eshte vene ne dispozicion. Cdo afat per plotesimin e formularit te lendeve me detyrim ka perfunduar tashme, ndersa e vetmja shprese per shmangien e problemeve eshte nje afat tjeter qe ka drejtoria e seciles shkolle per te hedhur te dhenat e maturantit. Keshtu, rregullorja e Matures Shteterore percakton se nga data 10 mars deri me 25 mars drejtoria e shkolles pergatit data-bazen per cdo maturant. Pikerisht me 25 te ketij muaji, ajo duhet t'ia dergoje Drejtorise Rajonale Arsimore. Keshtu, maturantet do t'i "hane" disa dite ketij afati per te plotesuar formularin A1. Megjithate, pozitivja ne gjithe kete situate qendron ne faktin se formulari ne fjale eshte thjeshtuar se tepermi. Keshtu, pas nje sere provash qe maturantet kane bere me kopjet e formularit origjinal, jane "stervitur" tashme dhe plotesimin e tij mund ta realizojne brenda pak minutash. Gjithe problemi qendron nese ata e kane vendosur cilat lende me zgjedhje do te shenojne ne A1.
Vonesat
Dergimi i koeficienteve me vonese neper shkolla nga ana e Ministrise se Arsimit dhe Shkences ka shkaktuar vonesa edhe ne afatet per plotesimin e formularit A1. Rregullorja e Matures Shteterore percaktoi se duke filluar nga data 20 shkurt, deri me 10 mars, maturantet mund t'i plotesonin ata. Megjithate, koeficientet u derguan me 6 mars, c'ka beri qe dy jave nga harku kohor i percaktuar per plotesim, te shkonte kot. Kesisoj, maturantet e kane terhequr formularin (nje kopje te vetme), dhe e kane fotokopjuar deri ne 5 kopje. "Ua dhame vete te drejten, ne menyre qe ata te 'sterviteshin' disi me te dhenat qe duhet te hidhnin dhe te mos e dorezonin me gabime", thote Muhamet Mesi, specialist ne Drejtorine Arsimore te Tiranes. Keshtu aktualisht mesohet se maturantet jane ne fazen e plotesimit te disahershem te formularit A1 te lendeve me detyrim, dhe vetem kur te jene bindur mbi dy lendet me zgjedhje qe duhet te shenojne paraprakisht atje, atehere pritet ta dorezojne.
Zgjidhja
Mesuesit dhe maturantet e kane zgjidhjen ne "xhep". Kjo, sepse ne rregullore eshte parashikuar nje afat 15-ditor, brenda te cilit shkollat duhet te hedhin te dhenat ne nje kartele masive per te gjithe maturantet. Pikerisht ky afat kohor pritet te "shfrytezohet" per qellime pozitive nga shkollat, ne menyre qe te dhenat e personave, bashkengjitur me formularet perkates, te dergohen brenda dates 25 mars te ketij muaji ne Drejtorine Rajonale Arsimore perkatese. E vetmja gje qe i "ngroh" nxenesit eshte thjeshtesia e formularit. "Ai nuk eshte i nderlikuar ndaj besoj se do te mund ta plotesojme per nje dite", shprehen maturante te shkolles se mesme te pergjithshme "Petro Nini". Shkak per keto vonesa eshte bere gjithashtu edhe propozimi per futjen e mesatares si kriter per pranimin e studenteve ne Fakultetin e Mjekesise. Universiteti i Tiranes ka propozuar pak dite me pare qe maturantet te futeshin ne provimet me zgjedhje te Matures Shteterore per degen e Mjekesise vetem nese e kishin mesataren mbi 8,5. "Nese do te pranonim nje propozim te tille, atehere i bie qe te krijohej nje sistem i ri perllogaritjeje vetem per kete dege", kane pretenduar specialistet e MASH. Gjithashtu, pengesa ka nxjerre edhe propozimi tjeter i UT-se per aplikimin e koeficientit 1 per te gjitha tipet e shkollave.
Shtyrja
Ministria e Arsimit deklaroi zyrtarisht dje se deri me tani nuk ka kerkese nga Drejtorite Arsimore Rajonale per shtyrje te afatit per plotesimin e formularit A1, qe kete vit ishte afro nje muaj me heret se vitin e shkuar. Sipas burimeve nga ky dikaster, te gjithe koeficientet e lendeve me zgjedhje te cilet aplikohen ne sistemin Merite-Preference jane bere publike prej me shume se nje jave ne shkollat e mesme. Madje, kete vit u shperndane edhe broshura informative. Formulari A1 permban gjeneralitetet e maturantit dhe 9 lendet me zgjedhje, nga te cilat maturanti, sipas pergatitjes, prirjes dhe koeficienteve te lendeve me zgjedhje, do te zgjedhe dy lende per provim. MASH njofton se pas shqyrtimit qe do t'u beje propozimeve te 11 Institucioneve Arsimore te Larta publike, perfshire edhe koeficientin e llojit te shkolles per Universitetin e Tiranes. MASH, qe ka kompetencen ligjore te miratimit final do te marre nje vendim dhe do ta beje publik shume shpejt.