Fqinjët ngushëllojnë me trëndafila nënën e vrasësit norvegjez

Anders Brejvik është i çmendur. Kështu ka deklaruar avokati i tij. Shteti po mundohet të ngrejë ndaj tij një akuzë për krime kundër njerëzimit, çka do e rriste qëndrimin  e tij në burg deri në 30 vjet.

Ndërkohë, përpara shtëpisë së vrasësit- djall ka trëndafila. Një pamje që të trazon- por trëndafilat nuk janë për të, por për nënën e tij.

Fqinjët thonë se edhe ajo është viktimë e djalit të saj.

Një godinë me tulla të kuqe në perëndim të Oslos. Këtu ka jetuar Brejvik bashkë me mamanë e tij. Dera është e mbyllur. Që kur ka ndodhur krimi, mamaja e tij është zhvendosur. Kurse babai i Brejvik ka deklaruar se do ishte më mirë që i biri të kishte vrarë veten.