Frymëzohen “yjet” e sportit francez

“Yjet e Sportit” është programi që bashkon dhe mbështet sportistët në rrugën drejt Lojërave Olimpike Verore “Paris 2024”. Janë rreth pesëdhjetë sportistë francezë, të cilët me zërat e tyre i dhanë jetë këngës “Nesër është Parisi”, e cila do të jetë himni frymëzues në olimpiadë për përfaqësuesen franceze.

“Yjet e sportit”, një program pionier dhe unik për transmetimin dhe ndarjen e eksperiencës në shërbim të sportistëve francezë, prezanton “Nesër është Parisi”, një këngë frymëzuese e shoqëruar me një klip, që bashkon legjendat, kampionët dhe shpresat e Sporti francez rreth një objektivi: të bëjë që sporti francez të shkëlqejë në vitin 2024, që kulmon me olimpiadën.

Rreth 50 sportistë francezë të udhëhequr nga artistët Florent Dasque (Bulevard des Airs) dhe Eyal, u inkurajuan të këndonin dhe me zërin e tyre krijuan këngën dhe videoklipin e saj. Kjo këngë është unike, sepse është shkruar nga sportistë për sportistët” – shpjegojnë dy këngëtarët.

Kjo këngë simbolizon në mënyrë të përkryer unitetin brenda familjes dhe sportit francez në tërësi. Ai mishëron frymën e kohezionit, duke kapërcyer brezat dhe disiplinat, e duke përfshirë të gjithë sportistët. Kjo këngë do të këndohet si një himn në Olimpiadën “Paris 2024”.