Fshati Rroms mungesë të infrastrukturës, banorët: Nuk kemi rrugë, ujë dhe as urban, jemi të humbur

Mungesa e infrastrukturës prej më shumë se 30 vitesh është kthyer një problem për banorët e fshatit Rroms në Bashkinë e Mallakastrës.

Në një gjatësi prej 6 km që nga fillimi i autostradës e deri në fund të fshatit i gjithë segmenti rrugor është i amortizuar, plot me gropa të cilat janë kthyer në makth të vërtetë në përditshmërinë e banorëve por edhe për drejtuesit e automjeteve.

Banorët shprehen plot indinjatë se në këtë fshat me me shumë se 300 familje mungojnë të gjitha shërbimet me bazike duke filluar nga rruga, uji i pijshëm, mungesa e mjekut në qendrën shendëtësore, mungesa e shërbimit urban, dhe një serë problematikash të cilat ua vështirësohen se tepërmi  jetesën në përditshmërinë e tyre.

Përballë kësaj situate banorët theksojne se fshati i tyre po braktiset nga dita në ditë.

/rtsh/