Fukushima, -80% radioaktive në një muaj

Volumi i substancave radioaktive të lëshuara nga centrali bërthamor i Fukushimës është pakësuar në muajin e fundit me 80%, duke shkuar nga 1 miliard në rreth 200 milionë becquerel në orë.
Lajmin e ka bërë të ditur media japoneze duke cituar burime nga Tepco, shoqëria që menaxhon centralin.

Sipas saj, masa aktuale e materialit radioaktiv që del jashtë impiantit është rreth 10 milionë herë më e ulët në krahasim me atë të regjistruar në fillim të emergjencës bërthamore, marsin e shkuar.