Fuoristrada i pret rrugen trajlerit dy vdesin tre plagosen
Devijimet e rruges por edhe shpejtesia e shiu dyshohet te kene qene shkaqet e aksidentit tragjik te ndodhur
KAVAJ - Nje devijim rruge ne aksin Kavaje - Durres ka cuar ne nje aksident me pasoje vdekjen e dy shtetasve dhe plagosjen e tre te tjereve qe ndodhen ne gjendje te rende. Ngjarja ndodhi rreth ores 1830 te se shtunes nderkohe qe viktimat jane te gjithe anetare te nje familjeje teksa dyshohet se gruaja qe nderroi jete ishte edhe shtatzene.
Burimet zyrtare te policise bejne te ditur se nga aksidenti mbeten te vdekur Idriz Gura 45 vjec dhe kunata e tij Pranvera Gura 25 vjece. Nderkohe jane plagosur dhe ndodhen ne gjendje te rende Bujar Gura 35 vjec bashkeshorti i Pranveres si dhe Resi dhe Eligert Gura 19 dhe 20 vjec femijet e Idrizit. Ne drejtimn e automjetit ndodhej 45-vjecari.
Aksidenti ndodhi ne oret e vona te pasdites se te shtunes. Automjeti tip fuoristrade me targa te Tiranes dhe ku udhetonin anetaret e familjes Gura ishte me drejtimin per ne Durres. Teksa kane kaluar ne aksin rrugor ku po kryhen punime dyshohet se per shkak te tyre drejtuesi i mjetit Idriz Gura mund te kete ngaterruar korsine ne te cilen duhet te levizte.
Shpejtesia si dhe shiu i rrembyeshem dyshohet gjithashtu qe te kene ndikuar ne levizjen e mjetit dhe si rrjedhoje ai eshte perplasur me nje automjet tip trajler i cili levizte ne drejtim te Kavajes. Perplasja ka qene shume e forte nderkohe qe gjysma e automjetit fuoristrade eshte futur poshte trajlerit duke bere qe drejtuesi i mjetit si dhe gruaja qe ndodhej ne vend te pare te nderrojne jete menjehere.
Ndersa ne sediljen e pasme ndodhej Bujar Gura dhe femijet e drejtuesit te mjetit te cilet jane te gjithe ne spital ne gjendje te rende.
Pas marrjes se njoftimit policia ka mberritur ne vendngjarje duke ndaluar drejtuesin e automjetit tip trajler 36-vjecarin Artur Mallkuqi nga Mamurrasi. Gjithsesi ky i fundit ka qene ne gjendje teper te renduar psikologjike per shkak te aksidentit te rende te ndodhur.
Burimet nga vendngjarja bejne te ditur se nga keqyrja e dy mjeteve deri me tani rezulton se drejtuesi i trajlerit nuk ka bere asnje gabim per shkak se ka qene ne korsine e vet duke levizur dhe se ka qene fuoristrada ajo qe i ka prere rrugen duke i dale perpara. Hetimet per zbardhjen e ngjarjes vazhdojne teksa pritet edhe permiresimi i gjendjes se te demtuarve per te arritur ne nje perfundim me te sakte per aksidentin.