GJERMANI – Bundesrati miraton planin masiv 500 miliardësh të shpenzimeve
BERLIN, 21 mars /ATSH-DPA/ – Bundesrati miratoi një amendament kushtetues që hap rrugën për një paketë financiare prej 500 miliardë eurosh (547 miliardë dollarë) për financimin e iniciativave në mbrojtje, infrastrukturë dhe klimë.
Lëvizja siguroi shumicën e kërkuar prej dy të tretave në dhomën e sipërme, pas një votimi të ngjashëm në Bundestag më parë gjatë javës.
Masa tani pret rishikimin dhe miratimin zyrtar nga presidenti gjerman, Frank-Walter Steinmeier.
Në Bundesrat, 53 nga 69 vota e mbështetën amendamentin, duke tejkaluar pragun prej 46 votash.
Brandenburgu, Saksonia-Anhalt, Turingia dhe Rheinland-Pfalz abstenuan; abstenimet u numëruan si vota të opozitës.
Amendamenti lehtëson frenimin e borxhit të sanksionuar në kushtetutën gjermane, duke lejuar hua për shpenzimet e mbrojtjes, mbrojtjes civile, shërbimet sekrete dhe sigurisë kibernetike.
Të gjitha shpenzimet që tejkalojnë 1% të PBB-së tani mund të financohen me borxh të ri./ /os/