Gara për 11 majin, Blushi: Rama u mbyll në “bunker”, Meta ka bërë edhe grevë urie për listat e hapura

I ftuar në Programin e Drekës në News24, ishte i ftuar Sekretari i Përgjithshëm i Partisë së Lirisë Tedi Blushi, i cili deklaroi se në listat e pPS sot nuk ka socialistë të mirëfilltë.

Ai bëri një paralelizëm, ku tha se ndërkohë që presidenti i PL Ilir Meta është nga ata që kanë bërë grevë urie për hapjen e listave, kryeministri Edi Rama e mbylli veten në “bunker” duke nënkuptuar listat e mbyllura.

“Harruat të përmendni që Rama është futur zyrtarisht në bunker. E mbani mend deklaratat e tij se mund të mos kandidonte ose të ishte në listat e hapura.
Sot kemi Ramën në bunker dhe një listë pa socialistë të mirëfilltë. Kreu i PS është kandidat në listën e hapur sepse të mos harrojmë që zoti Meta ka qenë ndër të parët liderë që ka bërë edhe grevë urie për lista të hapura”, tha ai.