"Garanci per turistet dhe lufte antidroge"

Gjirokaster- Sigurimi i jetes se turisteve dhe fushata antikanabis do te jene dy objektivet kryesore te policise se Gjirokastres per gjysmen e dyte te vitit 2009. Plani eshte bere i ditur dje nga kryepolici i qarkut, Arben Hysenaj, ne nje prononcim per gazeten "KJ". "Megjithe punen e efektiveve blu per perballimin me sukses te aktiviteteve elektorale ne kuader te zgjedhjeve te 28 qershorit, policia do te vazhdoje punen per minimizimin e rasteve te kultivimit dhe trafikimit te lendeve narkotike qe kane si burim zona te ndryshme te qarkut apo ne drejtim te garantimit te sigurise per grupet turistike gjate udhetimeve te tyre ne rrethet e Permetit, Tepelenes dhe Gjirokastres", u shpreh Hysenaj. Edhe ne nje takim te dy javeve me pare, eshte pranuar se qarku perfshihet ne harten e kultivimit te bimeve narkotike. Por sipas Hysenajt, "ne javet ne vazhdim do te vijoje puna per goditjen e kultivuesve te droges ne zona te vecanta te qarkut, apo bllokimin e ngarkesave me droge qe mund te tentohen te trafikohen kryesisht ne drejtim te Greqise, sikurse eshte bere gjate gjashte muajve te pare te vitit e me pare". Takime jane zhvilluar edhe ne shkolla te ndryshme, per te sensibilizuar nxenesit. Gjate diteve te fundit policia e Gjirokastres ka bllokuar 54 kilograme marihuane, si dhe ka ndaluar tri persona per trafik te narkotikeve.

Blerim Kore