Genc Ruli: Rama më sulmon se jam i suksesshëm dhe i shkaktova humbjen

Genc Ruli, ish-ministri i Ekonomisë i akuzuar për aferën skandaloze me minierën në Bulqizë, ka reaguar pas kërkesës së kreut të opozitës ndaj prokurorisë, që ta marrë Rulin sit ë pandehur. Ruli ka thënë se kërkesa e Ramës bëhet për shkak të mllefit që ka ky i fundit, pasi sipas Rulit, ai është  suksesshëm dhe i shkaktoi humbjen në njësinë Nr.5.

Edi Rama është udhëheqësi më i dobët i opozitës që ka krijuar tipar unik, këdo që sheh si shkaktar të humbjes e konsideron armik- tha Ruli, duke i cilësuar akuzat si mllef për humbjen e njësisë 5 në zgjedhjet lokale, njësi që Ruli e kishte në patronazh.

Për akuzat që e lidhin atë me aferën skandaloze të minierës së Bulqizës, Genc Ruli nuk ka thënë asnjë fjalë, duke ia kushtuar gjithë konferencën Edi Ramës dhe fatit të tij si politikan.