“Gërdeci”, kërkohet largimi i grupit të ekspertëve

Avokati Maks Haxhia ka kërkuar në seancën e sotme gjyqësore të tragjedisë së Gërdecit largimin e ekspertëve të çështjes.
 

Kërkesën e tij avokati Haxhia e ka argumentuar se kreu i grupit të ekspertëve ka konflikt interesi pasi djali i tij punon në prokurori.
 

Sipas tij djali i kreut të grupit të ekspertëve ka nisur punën një muaj pasi u përcaktua edhe eksperti i çështjes së Gërdecit.
 

Ndërkohë trupi gjykues do të shqyrtojë kërkesën e avokatit Maks Haxhia për largimi ose jo të grupit të ekspertëve të çështjes së Gërdecit.