Gilardino mbetet tek Fiorentina

Alberto Gilardino ka insistuar se do të mbetet në Fiorentina pavarësisht spekulimeve të vazhdueshme rreth largimit të tij nga klubi gjatë afatit kalimtar të verës.

Gilardino i tha të përditshmes italiane la Nazionale: “I kam thënë trajnerit Mihajlovic se dua të mbetem në klub. Nuk kam nevojë të shtoj asgjë tjetër, nuk kam dyshime se do të vazhdoj të luaj në Firencë, ku kam edhe tre vjet në kontratën time. Me këtë ekip mund të hyjmë në mesin e katër ekipeve më të mira”.

Reprezentuesi italian në muajt e fundit spekulohej se mund të transferohet te rivali nga Serie A, Juventus.