Gjermania pro “Open Balkan”, reagon kryeministri Rama

Kryeministri Edi Rama, ka reaguar pas lajmit të publikuar në mediat kosovare se qeveria gjermane mbështet inicativën “Open Balkan”. Në një të reagimi në rrjetet sociale, zoti Rama shkruan jo pa ironi se është e çuditshme kjo gjë, pasi ndryshe “nga çfarë u thuhet njerëzve në Prishtinë e Tiranë prej atyre që s’pyesin për Amerikën dhe jo vetëm kaq, po kërkon nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan në 6 tetor!

“Open Balkan” thotë qeveria gjermane, duhet të jetë gjithëpërfshirës dhe po, patjetër, kështu duhet të jetë e ndaj dera është e hapur, por as nuk përfshijmë dot kënd me zor, as nuk rrimë dot të presim sa t’u mbushet mendja atyre që s’duan të kuptojnë se kjo është rruga e të ardhmes!”, shprehet kryeministrit

Postimi i plotë Ramës:

“ÇUDI”! Qeveria gjermane e mbështeska “Open Balkan”, ndryshe nga çfarë u thuhet njerëzve në Prishtinë e Tiranë prej atyre që s’pyesin për Amerikën dhe jo vetëm kaq, po kërkon nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan në 6 tetor! “Open Balkan”, thotë qeveria gjermane, duhet të jetë gjithëpërfshirës dhe po, patjetër, kështu duhet të jetë, e ndaj dera është e hapur, por as nuk përfshijmë dot kënd me zor, as nuk rrimë dot të presim sa t’u mbushet mendja atyre që s’duan të kuptojnë se kjo është rruga e të ardhmes!”