Gjinushi, apel PS: Jo me pazare me Ilir Meten Rozeta Rapushi

Partia Socialiste nuk duhet t'i besoje me Levizjes Socialiste per Integrim, pasi kjo force politike me procesin e zgjedhjes se Presidentit te Republikes, beri pazarin e radhes. Keshilla ne formen e nje apeli, u be dje nga kreu i Partise Socialdemokrate, Skender Gjinushi, ne adrese te Partise Socialiste. Gjinushi tha se forca e drejtuar nga Ilir Meta po tregon vetem se eshte e pabese dhe se po shet gjithnje e me shume elektoratin e majte. "LSI perdori opoziten per te bere presion mbi Sali Berishen, jo per te arritur konsensus, por per te arritur ne nje pazar. I vetmi besim qe mund te kesh tek LSI eshte qe eshte e pabese. Nese ka ende te majte qe i mbanin shpresat tek ai, tek ajo force qe i ka shitur sistematikisht nga 2005, sigurisht qe kjo eshte vetem nje alibi per LSI", - akuzoi dje Gjinushi. Megjithate, ai rithekson faktin se realisht ka nevoje per bashkim te se majtes. I pyetur nese Fatos Nano do te luaje nje rol ne kete aspekt, Gjinushi tha se rregullimi i ekuilibrave te brendshem te PS-se, jane ceshtje e saj. Duke kembengulur ne faktin se e majta ka nevoje per nje bashkues, qofte ky Nano apo jo. "Tani, patjeter qe ka nevoje per nje bashkim te forcave qe jane jashte Partise Socialiste, te majta. Sepse PS nen presione te brendshme apo te jashtme, nuk e ka luajtur sic duhet rolin e vet opozitar. Patjeter qe PSD eshte ne favor te kesaj. Pastaj, per zhvillimet brenda PS mendoj qe keto qe thoni jane zhvillime brenda PS, jane tentativa per ekuilibra te brendshme, per rregullime raportesh te brendshme, ky eshte nje problem i PS-se", - nenvizoi kreu i PSD-se. Ne kete kuader, duke e konsideruar si nje levizje te brendshme ne PS, Gjinushi theksoi faktin se ne keto aspekte do te duhej nje bashkim i se majtes, pa u zgjatur ne rolin e Nanos me nje levizje te re. "Une nuk shtoj se cfare thashe, uroj te kete ndikime pozitive. Pra, PS si parti ne percaktimin e aleateve te vertete dhe jo ne aleanca pazaresh si Gjiri i Lalzit", - shtoi Gjinushi. Reagimi i kreut te PSD-se vjen ne nje kohe kur jo pak kritika jane adresuar nga ai drejt politikes qe kreu aktual i selise roze, Edi Rama, po ndjek ne drejtimin e kesaj force politike, por edhe marredheniet me aleatet. "Konflikti" me i fundit mes aleateve te majte, ka qene per reformen zgjedhore, kur partite e vogla ngriten zerin per diskriminim dhe mosrespektim te kerkesave te tyre per ndryshimin e sistemit zgjedhor, pragun elektoral etj. Vlen per t'u permendur edhe fakti se ne mbledhjen e fundit te PS-se me aleatet per procesin e zgjedhjes se presidentit, Gjinushi nuk ishte i pranishem.