Gjirokastra e lakmuar dhe në vjeshtë, prenotime të shumta për shtatorin dhe tetorin

Vera në Gjirokastër ka sjell një numër të lartë turistësh dhe kjo është reflektuar jo vetëm në rrugicat e kalldrëmta që kanë qenë të tej mbushura prej tyre por edhe tek rezervimet që kanë patur njësitë akomoduese.

Administratorët e tyre thonë se këtë vit numri u turistëve ka qenë në rritje dhe se rezervimet vazhdojnë të jenë të larta edhe për muajt e tjerë.

“Për sezonin e vitit 2024-ër, Gjirokastra ka pasur një bum turistësh. Gjirokastra deri në fund të tetorit është pothuajse 80 përqind e populluar nga vizitorë”, shprehen ata.

Rritja e numrit te turistëve ka ndikuar edhe tek rritja e të ardhurave tek ato biznese që operojnë në funksion të turizmit siç janë restorantet hotelet bujtinat etj.

Muajt e verës janë ata që kanë një fluks më te lartë të vizitorëve ne qytetin e gurtë, megjithatë duket se edhe për muajt e tjerë të vitit rezervimet janë në rritje.

Gazetare: Boralda Gjyli

/rtsh.al/