Grabitet studiuesi i dhane valium gjate udhetimit per ne Pogradec

ELBASAN- Nje vjedhje e pazakonte i eshte bere studiuesit dhe perkthyesit Iliaz Goga nga persona ende te paidentifikuar.

Ngjarja ka ndodhur ne periferi te qytetit te Elbasanit kur 71 vjecari ishte nisur nga Tirana drejt Pogradecit ku do te merrte pjese ne nje aktivitet kulturor.

Goga ka rene ne kurthin e disa personave te cilet i kane ofruar ndihme per ta transportuar me makine drejt Pogradecit. Por pasi i jane afruar Elbasanit ata i kane ofruar te moshuarit dicka per te pire me perzjerje valiumi.

Pasi 71 vjecari eshte pergjumur drejtuesi i mjetit dhe personat qe e shoqeronin i kane vjedhur gjithcka kishte me vete.

Pas kesaj grabitesit e kane zbritur nga makina te moshuarin dhe e kane braktisur ne afersi te bregut te lumit Shkumbin pak kilometra larg qytetit te Elbasanit.

Studiuesi eshte gjetur ne gjendje te pergjumur nga disa kalimtare te cilet kane njoftuar me pas policine.

71 vjecari u dergua menjehere ne spitalin e Elbasanit dhe pasi u permend tregoi me hollesi te gjithe ngjarjen.

Nderkohe policia ka filluar hetimet per identifikimin dhe kapjen e autoreve ndersa studiuesi eshte rikthyer prane familjes ne kryeqytet.

e.n/BalkanWeb