Greqia kerkon nafte ne Jon
Kryeministri grek, Jorgo Papandreu ka paralajmëruar fillimin e kërkimeve për naftë dhe gaz në detin Egje dhe Jon.
Gjatë një ceremonie të organizuar në Selanik në kuadër të panairit ndërkombëtar të këtij qyteti, Papandreu deklaroi se shumë shpejt do të fillojnë kërkimet në det me qëllim përfitimin e pasurive natyrore për qytetarët grekë, që sic tha, meritojnë të përfitojnë atë që natyra i dha vendit të tyre.
Papandreu njoftoi se tashmë mbetet vetëm fillimi i punës në zonat në të cilat mendohet se janë naftë-mbajtëse. Fillimisht kërkimet pritet të nisin në zonën e quajtur Katakolos, në jug-perëndim të Peloponezit, për të vazhduar më pas në Gjirin e Prevezës në veri-perendim.
Kërkime do të kryhen edhe në jug të Kretës, ndërsa në fund të shtatorit, parashikohet nisja e tyre në zonën ekskluzive ekonomike të Qipros dhe Izraelit.
Fillimi i kërkimeve në Egje duket se ka vënë përballë Turqinë me Izraelin në një situatë, që sipas analistëve mund të acarojë edhe më tej marrëdhëniet mes dy vendeve.
Një zonë ku mendohet se fshihen shtresa të pasura naftë-mbajtëse, është edhe ajo në veri të ishullit të Korfuzit deri në Karaburun. Pra pikërisht, pjesa që qeveria shqiptare i fal Greqisë me paktin e detit.
Pak kohë më parë, Top Channel kishte zbuluar se pikërisht kjo zonë konsiderohet si “saraçineska e naftës” në Jon. Ajo ndodhet në një distancë të afërt gjeografike me fushën naftë-mbajtëse të Marinzës dhe Ballshit në vendin tonë dhe pllakat tektonike lejojnë nxjerrjen e naftës me kosto më të ulët.
Mbi ekzistencën e rezervave naftë–mbajtëse atje, qeveria shqiptare ka qenë e informuar prej sovjetikëve që në vitet 60-të, por nxjerrja e këtyre rezervave konsiderohej si tepër e vështirë për shkak të mungesës së teknologjisë së përshatshme në thellësi mbi 1000 metra që ato ndodhen.
Në zonën e Jonit, rezerva e naftës llogaritet në 4 miliardë fuci, por pak më pak se gjysma e saj mund të nxirret. Por edhe kjo sasi, nëse shfrytezohet do të zgjidhe për shumë vite problemet ekonomike të vendeve si Shqipëria dhe Greqia.
Burime të mirëinformuara nga Ministria e Jashtme greke i thanë Top Channel se pala greke ka përgatitur kuadratet e zonave të kërkimit dhe i ka vënë ato në dispozicion të kompanive të interesuara. Më favorite është një kompani amerikane e cila ka shfaqur interesin e saj që prej kohësh edhe pranë qeverisë shqiptare.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga politika “Saliu keqpërdori proamerikanizmin”
Në një editorial me titull “11 SHTATORI DHE RRYSHFETET PËR TË LUFTUAR PËRKRAH AMERIKËS”, që publikohet këtë të dielë në median e shkruar shqiptare, kryetari socialist Edi Rama merr shkas nga përvjetori i sulmit terrorist mbi kullat binjake 10 vjet më parë. Presidenca në ankand
Behar Gjoka - Ka disa kohë që skena politike dhe mediatike, po zien në një mënyrë të habitshme, sidomos në lidhje me institucionin e Presidentit. SHBA: Të shqetësuar për Shqipërinë
Shtetet e Bashkuara shprehin shqetësimin për pasojat e ngërçit politik në Shqipëri pas zgjedhjeve lokale të majit, të cilat po pengojnë më tej reformat që duhet të kryehen që Shqipëria të marë statusin e vendit kandidat në Bashkimin Europian. Krimi në Vlorë, Topi mbledh krerët e sigurisë
Vetëm pak orë pas ngjarjes tragjike në Vlorë, Presidenti i Republikës, Bamir Topi, njëkohosisht kryetar i Këshillit të Lartë të Drejtësisë, priti sot në mesditë Prokuroren e Përgjithshme Ina Rama, Drejtorin e Shërbimit Informativ Shtetëror Bahri Shaqiri dhe Drejtorin e Përgjithshëm të Policisë së Shtetit, Hysni Burgaj. “Wikileaks” dhe fati i Shqipërisë
Ilir Yzeiri - Jehona e botimeve në shtypin shqiptar të kabllogrameve të Ambasadës së SHBA-së në Tiranë, do të vijë një ditë dhe natyrisht që do të shuhet.
Lajmet kryesore
SHBA, kujtohet 11 Shtatori
Nisin ceremonitë e para. Clinton, Bush e Biden në Pensilvani
11 Shtatori, si ndryshoi bota?
11 Shtatori, Topi letër Obamës
Vlorë, Topi në familjen Konomi
11 Shtatori, Kosova mesazhe SHBA-së