Grosistet perplasen per here te dyte me ministrine

Heqja e lejes se importit per te gjitha barnat qe futen ne Shqiperi ka perplasur per here te dyte anetaret e Komisionit te Shendetesise, grosistet dhe farmacistet me Ministrine e Shendetesise. Ky debat ka nisur pasi, institucioni me i larte shendetesor ne vend ka hartuar nje projektligj te ri, i cili lejon futjen e barnave pa etiketen e origjines. Kjo per specialistet eshte e parealizueshme per vendin tone, pasi nuk ka ato masa te kontrollit per kapjen e medikamenteve qe futen kontrabande. Pervec grosisteve dhe farmacisteve, te cilet kane kundershtuar keto ndryshime, kane qene edhe vete anetaret e Komisionit te Shendetesise, te cilet, dy dite me pare, theksuan edhe rrezikun qe vjen nga ky ligj. I pari qe ka kundershtuar ka qene ish-ministri i Shendetesise, Solis i cili ka pohuar se ky lloj ligji do te favorizonte futjen e medikamenteve te skaduara, te prodhuara me nisheste, dhe qe jane te paefektshme dhe madje te rrezikshme per shendetin e pacientit. Nese per vendet e tjera te Evropes funksionon ky lloj ligji, eshte edhe per vete faktin se ata prodhojne ne vend 90 per qind te barnave, qe do te thote se jane te sigurta dhe vetem nje pjese e vogel futet nga jashte.