Rezultatet e provimeve me zgjedhje, te henen ne shkolla

Ka perfunduar dje korrigjimi i provimeve me zgjedhje per rreth 32 mije maturante. Megjithate, ato nuk do te jene as sot, dhe as neser neper shkolla. Drejtori i Agjencise se Vleresimit dhe Arritjeve ka bere te ditur se rezultatet e dy provimeve Z1 dhe Z2 do te jene mengjesin e se henes ne duart e maturanteve qe kane marre pjese ne keto provime, te vlefshme per procesin e pranimeve ne universitetet publike te vendit si dhe ato te huaja. Keshtu, maturantet duhet te behen te duruar, duke pritur deri diten e hene per te mesuar rezultatet e arritura ne provimet me zgjedhje qe u zhvilluan me 10 korrik ne te gjithe vendin. Gjate dites se djeshme ka perfunduar procesi i korrigjimit te fleteve ne te kater qendrat e ngritura ne rrethe dhe ne kryeqytet. Megjithate, gjate ketyre diteve maturantet do te mund te perllogarisin piket ne menyre individuale, sipas skemes se shperndare nga Ministria e Arsimit dhe e Shkences, dhe sipas listes me piket minimale te fituara vjet sipas cdo dege. Te henen maturantet do t'i kene ne dore te gjitha te dhenat, pra, rezultatet e dy provimeve me detyrim, rezultatet e dy provimeve me zgjedhje, koeficientet si dhe mesataren e 4 viteve te gjimnazit. Ne kete menyre, duke praktikuar skemen, ata mund te llogarisin sa pike kane marre ne Mature.