Guerot: Asociacioni nuk është një Republikë Serbe
Ambasadori i Francës në Kosovë, Olivier Guerot ka deklaruar se Asociacioni i komunave me shumicë serbe nuk prodhon domosdoshmërisht një ‘Republikë Serbe’.
Sipas tij, Asociacioni nuk ka funksion legjislativ dhe do të jetë nën kushtetutë, e jo pjesë e saj siç është ‘Republika Serbe’.
Guerot tha se në rast se Kosova e dërgon draftin në Gjykatën Kushtetuese, ky veprim do ta ndryshonte shumë atmosferën në kryeqytetin e tij.
Ambasadori francez këtë deklaratë e bëri në një konferencë të organizuar nga Lëvizja FOL dhe Instituti i Prishtinës për Studime Politike me temën “Kosova drejt Bashkimit Evropian: Rruga drejt një zgjidhjeje”.
/rtsh.al/