"Guinnes"-i Dondollaku, 4 burgime te perjetshme
Leonard Bakillari
TIRANE - Denim te denje per cmim "Guinnes" kerkoi dje Prokuroria e Krimeve te Renda per Enver Dondollakun. Kater denime me burgim te perjetshem dhe 55 vjet burg per tete akuza. Kjo ishte kerkesa e organit te akuzes per Enver Dondollakun, i cilesuar si nje nga eksponentet kryesore te se ashtuquajtures "Banda e Lushnjes", dhe si krahu i djathte i Aldo Bares. Mesditen e djeshme, prokurori i ceshtjes, Perparim Kulluri, parashtroi para gjykates konkluzionet perfundimtare per Enver Dondollakun, i cili akuzohet per nje sere krimesh te renda te ndodhura ne qytetin e Lushnjes gjate periudhes 1998-2000, vite te cilat vleresohen nga Prokuroria si kulmi i veprimtarise se bandes te qytetit myzeqar. Ne nje material prej 61 faqesh, organi i akuzes solli para gjykates te gjitha ngjarjet kriminale qe rendojne mbi Enver Dondollakun, i cili ne kete proces gjykohet i vecuar nga pjesa tjeter e bandes, e cila pak kohe me pare eshte denuar nga Gjykata per Krime te Renda. Ne faqen e 61 te konkluzioneve perfundimtare, prokuroria rezervoi dhe kater denimet me burgim te perjetshem per krahun e djathte te Aldo Bares, i cili vuan denimin me 16 vite burg ne Itali per akuzen e trafikut nderkombetar te lendeve narkotike. Perfaqesuesi i organit te akuzes kerkoi nga gjykata qe i pandehuri, Enver Dondollaku, i cili ka pranuar gjykimin e shkurtuar ne mungese, te shpallet fajtor per 8 akuza, nder te cilat "vrasje me paramendim", "vrasje ne rrethana te cilesuara", "pjesemarrje ne organizate kriminale" dhe "mbajtje pa leje te armeve luftarake" dhe kerkoi denimin e tij perkatesisht me kater burgime te perjetshme per "vrasjes me paramendim" te Xhevat Demiri, Nimet Zenelit, Masar Aliu, Idajet Beqirit; "vrasjes me paramendim" te ngelur ne tentative ndaj Gramoz Selmanit dhe Masar Aliut, vrasjen e inspektorit te Krimeve te Komisariatit Lushnje, Klenti Bano, me 14 prill te vitit 2000. Ndersa kerkoi shpalljen fajtor dhe denimin me 55 vjet burg per akuzat e "shkaterrimit te prones me zjarr" te baneses se Shkelqim Haxhiu, "pjesemarrjes ne organizaten kriminale", "kryerjes se veprave penale nga organizata kriminale" dhe "vjedhjes me dhune" ne dem te Baki Taullait. Ne perfundim te kerkeses, prokurori kerkoi denimin ne total me burgim te perjetshem per Enver Dondollakun, i cili pak kohe me pare nepermjet nje leterporosie pranonte te gjitha akuzat e ngritur ndaj tij, duke perfituar keshtu gjykim te shkurtuar. Ne aplikim te ketij gjykimi, buja e kater denimeve me burgim te perjetshem perfundon me nje denim "te bute", (25 vjet burg), denim, te cilin i pandehuri 32-vjecar duhet ta shlyeje pas perfundimit te 16 viteve burg dhene nga drejtesia italiane. Pas degjimit te konkluzioneve perfundimtare te akuzes, trupi gjykues vendosi qe seancen e ardhshme, qe do te zhvillohet me 8 janar, pala mbrojtese te paraqese konkluzionet perfundimtare.