HUNGARI – Orban mirëpret rezultatin e takimit Trump-Putin
BUDAPEST, 16 gusht /ATSH-DPA/- Kryeministri hungarez Viktor Orban ka mirëpritur rezultatin e takimit të djeshëm mes presidentit të SHBA-së Donald Trump dhe homologut të tij rus, Vladimir Putin në Alaskë.
“Për vite me radhë, ne pamë ndërsa dy fuqitë më të mëdha bërthamore çmontuan themelet e bashkëpunimit të tyre… Kjo tani ka mbaruar”, shkroi ai në faqen e tij në “Facebook”.
“Bota është një vend më i sigurt sot sesa ishte dje”, tha Orban në përgjigje të samitit, i cili nuk dha rezultate të menjëhershme të prekshme.
Trump dhe Putin e përfunduan takimin e tyre pa komentuar mbi një armëpushim të mundshëm në luftën e Ukrainës.
Orban, i cili ka qeverisur Hungarinë për më shumë se 15 vjet, konsiderohet një mbështetës besnik i Trump dhe politikave të tij. //a.i/