Hapja e aksit Qukës-Qafë Plloçë/ Ramën e presin me këngë e valle tradicionale

Kryeministri Edi Rama ka qenë i pranishëm në inaugurimin e rrugës Qukës-Qafë Plloçë, që prej ditës së sotme është e hapur për qarkullimin e automjeteve.

Kjo rrugë me gjatësi 43 kilometra do të lehtësojë qarkullimin dhe shkurtojë udhëtimin nga Tirana në Korçë e drejt zonave të tjera të lindjes e juglindjes.

Teksa inspektonte rrugën, Kryeministri Edi Rama u prit me këngë e me valle nga grupet polifonike të zonës.

“Këtë nuk e prisja”, u shpreh Rama teksa pa grupet polifonike.

Rruga Qukë-Qafë Plloçë është pjesë e Korridorit të 8. Një banor i zonës tha se me rrugën e re, distanca nga Tirana në Korçë është rreth 2 orë.