Hasani pret kreun e Komisionit për Politikën e Jashtme të Turqisë: Të përforcojmë bashkëpunimin ekonomik, politik e tregtar

Ministri për Europën dhe Punët e Jashtme, Igli Hasani priti sot në një takim kryetarin e Komisionit për Politikën e Jashtme të Asamblesë së Madhe Kombëtare të Turqisë, Fuat Oktay.

Në një postim në rrjetet sociale, Hasani shkruan se gjatë takimit biseduam mbi projektet e përbashkëta mes dy vendeve.

“Turqinë mike e vlerësojmë si një partner strategjik dhe aleat kyç, ndërsa mbetemi përherë të angazhuar për t’i thelluar marrëdhëniet tona dypalëshe dhe përtej”, tha Hasani.

Më tej, Hasani u shpreh se “me Oktay  ndamë bashkërisht mendimin se duhet të rrisim përpjekjet e përbashkëta mes dy vendeve tona që përforcojnë bashkëpunimin ekonomik, politik e tregtar”.

/rtsh.al/