"Heqja e imunitetit duhet miratuar ne kete sesion, jo te mbartet ne te riun"

Mazhoranca aktuale eshte e vendosur per ta kaluar ne Kuvend nismen qe i kufizon imunitetin deputeteve dhe zyrtareve te tjere te larte. Gjate nje prononcimi per mediat, kryetari i grupit parlamentare te Partise Demokratike, Astrit Patozi deklaroi se ndonese ishte sesioni i fundit parlamentare ishte e rendesishme per Parlamentin, qe ta kalonte kete nisme. Sipas Patozit, ishte e nevojshme qe Parlamenti aktual t'i lere nje trashegimi te mire Parlamentit te ardhshem. "Ky ligj eshte peng i ketij Parlamenti qe nuk ka pse mbartet ne parlamentin e ardhshem. Sepse keta kritike qe thone se na takon qe te vendosim per pasardhesit, duhet te kene parasysh nje gje, ky eshte nje argument qe nuk qendron. Nuk ka sesi nje deputet apo pak deputete, te cilet kane dyshime per karrieren e tyre, te kene kompleksin se nuk do te vendosin per pasardhesit", deklaroi drejtuesi i grupit parlamentare te PD-se. Por sipas Astrit Patozit eshte e rendesishme qe ne kete nisme te bashkohet edhe opozita, sepse ky eshte nje obligim i rendesishem per te gjitha palet dhe jo vetem per Partise Demokratike. Nga ana tjeter Komisioni i Venecias, ka gjykuar se kjo ceshtje kerkon konsensus se gjere dhe nuk mund te miratohet vetem nje force politike. Pavaresisht se opozita eshte shprehur pro, modalitet kane penguar miratimin.