Higuain nuk zgjedh dot mes Messit dhe Cristianos

“Kam privilegjin të luaj me Messin tek Argjentina dhe Cristianon tek Reali, por nuk më pëlqejnë krahasimet. Janë dy lojtarët më të mëdhenj në botë.”

Këto janë fjalët e Gonzalo Higuain, i cili është vënë në pozitë të vështirë nga gazetari argjentinas i radios ‘Metro’ në grumbullimin e “albicelestes” kur është pyetur se kush nga dy shokët e tij është më i miri në botë.

“Ata të dy janë monstra, nuk mund të zgjedh mes tyre”, u shpreh sulmuesi i Realit, i cili është i grumbulluar me Argjentinën për ndeshjen e eliminatoreve të Amerikës Latine ndaj Uruguajit.

Në këtë mënyrë sulmuesi ka zgjedhur mos të japë mendimin e tij pasi kur Marcelo e ka bërë këtë gjë, Cristiano nuk e mori dhe aq mirë.