Himalaja/ Shembja e digës nga akullnaja, konfirmohen 26 të vdekur

Të paktën 171 njerëz janë zhdukur dhe 26 kanë vdekur në Indinë veriore pasi një pjesë e një akullnaje në Himalaje ra në një lumë duke dërguar një ortek shkatërruese uji, pluhuri dhe shkëmbinjsh në një grykë mali dhe duke u përplasur përmes një dige.

Ekipet e shpëtimit punuan gjatë gjithë natës për të gjetur të mbijetuarit e bllokuar nën mbeturina. Shumica e të zhdukurve janë punëtorë nga dy projekte hidroelektrike në rrethin Chamoli të Uttarakhand, të cilët u goditën nga orteku.

Pamjet nga katastrofa e së dielës tregojnë një mur me ujë dhe shkëmbinj që lëvizin shpejt poshtë një gryke të ngushtë dhe duke thyer një digë që po ndërtohej, duke zhdukur njerëzit, ndërtesat dhe pemët që gjeti përpara.

Ashok Kumar, shefi i policisë së Uttarakhand, i tha CNN të hënën se 26 trupa ishin gjetur në rajonin e prekur. Ai tha se 171 persona të tjerë janë ende të zhdukur, duke përfshirë 35 punëtorë që besohet të jenë bllokuar brenda një tuneli në projektin më të madh hidroelektrik, në pronësi të shtetit.

Rreth 2,500 njerëz në 13 fshatra u ndërprenë fillimisht nga përmbytjet e shkaktuara nga shembja e akullnajës, tha të hënën Ashok Kumar, zyrtari i lartë i policisë së Uttarakhand. Shpëtuesit kanë arritur të 13 fshatrat nga e hëna pasdite dhe puna e ndihmës tani është duke u zhvilluar në to, tha Kumar.