Hokej rithemelimi i Lokomotiv Yaroslavl
Dhjetëra lojtarë rusë të hokejit mbi akull janë treguar të gatshëm të rithemelojnë ekipin e Lokomotiv Yaroslavl, që humbi pothuajse të gjithë lojtarët e tij në aksidentin e djeshëm ajror.
Njoftimi erdhi nga presidenti i Ligës Kontinentale të Hokejit, Aleksander Medvedev.
“Mendoj se ekipet e Ligës do të lejojnë lojtarët e tyre të bëhen pjesë e ekipit të ri”, tha Medvedev.
Gjithashtu ai nuk përjashtoi mundësinë që edhe lojtarë të rinj të zëvendësojnë sportistët që humbën jetën nga rrëzimi i avionit.
“Do të bëjmë gjithçka që është e mundur në mënyrë që ekipi të luajë kampionatin dhe play-off-in”, theksoi shefi i ligës.
Avioni në të cilin udhëtonin 37 pjesëtarë të ekipit të hokejit mbi akull të Lokomotiv Yaroslavl, u rrëzua pak pas ngritjes për arsye që ende nuk janë bërë të ditura.
Bota e hokejit, në zi për ekipin rus
Rusia dhe e gjithë bota e hokeit po mbajnë zi për vdekjen e 36 lojtarëve dhe zyrtarëve të ekipit të Lokomotivës së Jaroslavlit në një incident ajror.
Autoritetet e sportit të hokeit e kanë cilësuar incidentin në Jaroslavl si “ditën më të zezë të historisë së këtij sporti”.
Avioni tip “Yak-42” u rrëzua vetëm pak momente pasi ishte ngritur në ajër dhe menjëherë u përfshi nga flakët.
Në total në bordin e tij ndodheshin 43 persona, përfshirë lojtarët më të mirë të Rusisë dhe Evropës, të cilët humbën jetën. Vetëm dy vetë mbijetuan.
Të 11 lojtarët e huaj dhe trajnerët që ishin në bord mbetën të vrarë. Mes tyre spikasin emrat e trajnerit kanadez Brad McCrimmon, sulmuesit suedez Stefan Liv dhe disa lojtarë nga Bjellorusia, Republika Ceke, Gjermania, Latvia, Sllovakia dhe Ukraina.
Lojtari rus që i mbijetoi aksidentit, Alexander Galimov, ka pësuar djegie në 80 për qind të trupit, bashkë me një anëtar të ekuipazhit të avionit, i identifikuar si Alexander Sizov.
Skuadrat e shpëtimit kanë nxjerrë deri tani 35 trupa të pajetë, 12 prej të cilëve janë identifikuar. Motivet e rrëzimit po hetohen, por mediat ruse shkruajnë se avioni mund të ketë goditur një antenë radioje.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Vlorë, shpërthim në një makinë, një i vdekur
Viktima, një gjyqtar 35-vjecar
Terrorizmi, Obama: Të dyfishohen sforcot
OSBE: Shqipëria në udhëkryq
“Marrëveshja për ujrat të zbatohet”
Luan Hoxha: Withers gënjen