Humb jetën në një shpërthim gjenerali i lartë rus

Gjenerali i lartë i forcave të armatosura ruse është vrarë në një shpërthim në kryeqytetin e vendit, Moskë.

Gjenerali Igor Kirillov po largohej nga një ndërtesë apartamentesh mëngjesin e kësaj të marte (17 dhjetor) kur një pajisje e fshehur në një skuter shpërthyeu, duke i marrë jetën kreut të Forcave të Mbrojtjes Bërthamore, Biologjike dhe Kimike të vendit (NBC), Igor Kirillov dhe ndihmësit të tij.

Kirillov u emërua në krye të forcës në prill 2017. Ai ndoqi Shkollën e Komandës së Lartë Ushtarake të Mbrojtjes Kimike në Kostroma.

Gjenerali shërbeu në role të ndryshme në ushtrinë ruse të lidhur me materiale të rrezikshme, duke përfshirë Drejtorinë e Shefit të Trupave të Mbrojtjes nga Rrezatimi, Kimike dhe Biologjike.

Një ditë më parë, Shërbimi i Sigurisë i Ukrainës (SBU) dënoi Kirillov në mungesë për përdorimin e armëve kimike të ndaluara në Ukrainë.

SBU ka pohuar se Rusia ka përdorur armë kimike gati 5000 herë nën udhëheqjen e Kirillov.

Kirillov u sanksionua nga MB, e jashtme dhe Kanadasë, ndër të tjera, për rolin e tij në luftën e Rusisë në Ukrainë. 

/rtsh.al/