I dënuar në Itali me 8 vite burg, arrestohet në Vlorë 40-vjeçari

Arrestohet në Vlorë 40-vjeçari i dënuar në Itali me 8 vite burg. Policia shqiptare në bashkëpunim me homologët italianë, ka bërë të mundur lokalizimin dhe vënien në pranga të 40-vjeçarit Arjan Rr., në kërkim ndërkombëtar për veprën penale të trafikut të lëndëve narkotike.

Interpol Tirana dhe Interpol Roma do të kryejnë procedurat për ekstradimin e 40-vjeçarit, në Itali.

 “Bazuar në informacionet e siguruara nga inteligjenca informative, për vendndodhjen e një shtetasi në kërkim ndërkombëtar, Drejtoria e Forcës së Posaçme Operacionale e Drejtorisë së Përgjithshme të Policisë së Shtetit, pas shkëmbimit të informacionit me homologët e Policisë italiane, ka organizuar dhe finalizuar operacionin policor të koduar “Operacionalja 35”.

Gjatë operacionit, është kapur në Vlorë dhe është arrestuar me qëllim ekstradimin në Itali, shtetasi Arjan Rrokaj, 40 vjeç, banues në Vlorë”, thuhet në njoftim.

/rtsh.al/