“I forti” i Sukthit pretendon se është sëmurë, GJKKO pranon kërkesën për ekspertizë mjekësore

Gjykata e Posaçme Kundërt Korrupsionit ka pranuar kërkesën e avokatit mbrojtës të Rexhep Rapit për të kryer ekspertizë mjekësore. Rexhep Rapi, i njohur si “Kep Arapi” pretendon se ka probleme shëndetësore dhe se mund t’i rrezikohet jeta në qeli. Kjo kërkesë e paraqitur nga avokatët, u pranua nga GJKKO, e cila kërkon caktimin e një eksperti për të kryer ekspertizën mjeko ligjore.

Rexhep Rapi është një emër i njohur për drejtësinë, pasi është i lidhur me disa ngjarje kriminele. I njohur si “i forti” i Sukthit, Rexhep Rapi është arrestuar pasi akuzohet se së bashku me disa persona të tjerë do të ekzekutonin Xhevdet Plakun, por që janë tërhequr në moment të fundit.

“Kep Arapi” u vu në pranga në dhjetor të 2023, pasi sipas SPAK “së bashku me Algert Rapin, Devi Gjermënin dhe ish-shefin e Krimeve Dedan Gjoni kishin siguruar kushtet dhe mjete materiale për të kryer vrasjen e Xhevdet Plakut njohur si “Akili””.

/rtsh.al/