I riu u godit me plumb gome në sy, deputetja Marjana Koçeku: Pushteti vazhdon ta trajtojë trupin e qytetarit si vendin ku duhet të ngulitet frika

Deputetja e pavarur Marjana Koçeku ka reaguar në lidhje me dhunën e ushtruar ndaj të rinjve në protestën e sotme, duke u ndalur tek 28-vjeçari, që u godit me plumb gome në sy.

Me anë të një postimi në rrjetet sociale, Koçeku shkruan se pushteti përpiqet të imponojë frikën te qytetarët.

Sipas saj dhuna ndaj protestuesve nuk e shuan reagimin qytetar, por e bën edhe më të qartë arsyen pse njerëzit vijojnë të qëndrojnë në shesh.

“Herën e parë protestat shpërthyen masivisht se u mor zvarrë nji njeri. Sot pamë nji tjetër njeri që u godit në sy. E ndigjuem edhe britmën e tij. Pushteti vazhdon me e trajtu trupin e qytetarit si vendin ku duhet me u ngulë frika. Por çdo goditje ndaj nji protestuesi e ban edhe ma të qartë pse njerëzit vazhdojnë me qëndru në shesh”, shkruan Koçeku.