I shpallur në kërkim nga Interpol, arrestohet në Greqi 61-vjeçari shqiptar

Një 61-vjeçar shqiptar, i cili po ndiqet penalisht në atdheun e tij për grabitje, u vu në pranga nga oficerët e policisë në Neapoli të Selanikut.

Sipas një deklarate nga Policia Helenike, ndaj tij është në pritje një njoftim i kuq i Interpolit i lëshuar nga autoritetet shqiptare, ndërsa gjatë kontrollit policor u zbulua se ai qëndron ilegalisht në territorin grek.

Sipas dokumenteve të prokurorisë shqiptare, grabitja e dyshuar ndodhi në gusht 2017 në Korçë. Informacionet tregojnë se incidenti në fjalë përfshinte një grindje me një burrë, ndaj të cilit 61-vjeçari ushtroi dhunë fizike, duke i rrëmbyer automjetin, kur viktima kërkoi t’i dorëzonte dy telefona celularë.

61-vjeçari i kërkuar po dërgohet në Prokurorinë e Apelit të Selanikut për të filluar procedurat për ekstradimin e tij në Shqipëri.