I shpallur në kërkim për prodhim dhe shitje narkotikësh, arrestohet në Muriqan 33-vjeçari

Policia Kufitare në Shkodër kanë vënë në pranga një shtetas të shpallur në kërkim, gjatë tentativës për të dalë nga territori i Shqipërisë. Arrestimi u bë pas kontrolleve të intensifikuara, të bazuara në analizën e riskut, me qëllim goditjen e paligjshmërive dhe identifikimin e personave në kërkim që tentojnë të kalojnë kufirin.

I ndaluari është A. S., 33 vjeç, banues në Durrës, të cilit Gjykata e Shkallës së Parë të Juridiksionit të Përgjithshëm Durrës i kishte caktuar më herët masën e sigurisë “Arrest në burg” për veprën penale “Prodhimi dhe shitja e narkotikëve”.

Njoftimi i policisë:

PKK Muriqan/Kontrolle nga Policia Kufitare, për goditjen e paligjshmërive dhe kapjen e shtetasve në kërkim.

Kapet në tentativë për të dalë nga Shqipëria, 1 shtetas në kërkim për veprën penale “Prodhimi dhe shitja e narkotikëve”.

Shërbimet e Policisë Kufitare të PKK Muriqan, si rezultat i punës intensive të kryer bazuar në analizën e riskut, me qëllim goditjen e paligjshmërive dhe kapjen e shtetasve në kërkim që tentojnë të hyjnë apo të dalin nga kjo pkk, kanë kapur në dalje të kufirit të RSh-së, shtetasin:

-A. S., 33 vjeç, banues në Durrës.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Veprimet e tjera procedurale do të kryhen nga DVP Durrës.

/vizionplus.tv