INSIG, skadon afati i privatizimit
Blerina Hoxha
Afati per privatizimin e 61 per qind te aksioneve te INSIG ka skaduar ne dhjetor te vitit 2007, nderkohe qe tenderi per shitjen e kompanise ende nuk eshte hapur.
Ne nentor te vitit 2006, parlamenti shtyu afatin e shitjes se 61 per qind te aksioneve te INSIG edhe per nje vit tjeter, duke lene si afat final per perfundimin e ketij procesi dhjetorin e vitit 2007. Por, shitja e ndermarrjes shteterore te sigurimeve nuk ka mundur te kryhet edhe gjate vitit qe shkoi. Keshtu, qeveria dhe Ministria e Financave para se te hapin procedurat per shitjen e kompanise duhet qe me pare te miratojne nje ligj formal per shtyrjen e afateve te shitjes, te pakten edhe nje vit tjeter. Burimet nga Ministria e Financave bejne me dije se procesi i privatizimit te kompanise eshte ne fazen e perzgjedhjes se kompanise qe do te vleresoje asetet. Pasi te shqyrtohet dokumentacioni i kompanive te vleresimit, do te perzgjidhet kompania me oferten me mire, shpjegojne te njejtat burime. Procesi i perzgjedhjes se kompanise qe do te skanoje gjendjen financiare te kompanise shteterore te sigurimeve pritet te perfundoje ne prill te ketij viti. Nderkohe qe i gjithe procesi i vleresimit te aseteve pritet te perfundoje brenda gjashtemujorit te pare te vitit. Ne gjashtemujorin e dyte te ketij viti parashikohet te hapet tenderi per shitjen e kompanise ne nje gare nderkombetare. Privatizimi i INSIG i planifikuar ketu e tre vite me pare nuk ka arritur te realizohet, se nuk ka pasur interesime te favorshme, duke bere qe privatizimi i INSIG-ut te shtyhet per kete vit, pohuan burimet brenda kompanise. Ne projektligjin e privatizimit te INSIG parashikohet privatizimi i paketes shteterore prej 61%, e cila do t'i shitet nje investitori strategjik te huaj, permes procedures "me tender te hapur nderkombetar". Ne projektligjin e shitjes se INSIG percaktohet se, ne rast se nuk do te shitet e gjithe paketa prej 61% te aksioneve shteterore te INSIG-ut, atehere ato do t'u afrohen me oferte publike subjekteve shqiptare private brenda 3 viteve nga data e transferimit te aksioneve, ne favor te investitoreve strategjike. Oferta publike nenkupton shitjen e aksioneve te mbetura nepermjet Burses se Tiranes, ose aktivizimit te bonove te privatizimit. Pervec INSIG-ut, ofrojne sherbimet e sigurimeve edhe 9 kompani te tjera. Konkurrenca ne kete drejtim ka bere qe kompania shteterore e sigurimeve, INSIG, te humbe pozicionin lider ne treg. Aktualisht, 39 per qind e aksioneve te INSIG-ut jane ne pronesi te Bankes Evropiane per Rindertim dhe Zhvillim (BERZH) dhe Korporates Financiare Nderkombetare (IFC), ndersa pjesa tjeter, 61 per qind e ofruar per shitje, eshte nen administrimin e shtetit.