IZRAEL – IDF vret një tjetër komandant të lartë të Hezbollahut në Bejrut

TEL AVIV, 8 tetor /ATSH-DPA/- Forcat Ajrore izraelite kanë vrarë edhe një herë një komandant të lartë të Hezbollahut në një sulm në kryeqytetin libanez Bejrut – këtë herë kreun e selisë së milicisë islamike, Suhail Hussein Husseini.

“Husseini u vra dje gjatë një sulmi të shënjestruar”, njoftuan sot në mëngjes Forcat e Mbrojtjes të Izraelit (IDF).

“Ai ishte gjithashtu anëtar i Këshillit të Xhihadit të Hezbollahut, organi suprem ushtarak i organizatës ekstremiste shiite të mbështetur nga Irani”, tha IDF.

“Husseini luajti një rol vendimtar në transferimin e armëve midis Iranit dhe Hezbollahut”, tha IDF në një deklaratë.

Ai ishte gjithashtu përgjegjës për shpërndarjen e armëve të avancuara midis njësive të grupit shiit dhe për buxhetimin dhe menaxhimin logjistik të projekteve më të ndjeshme të Hezbollahut”.

Këto përfshinin planifikimin e luftës dhe operacionet speciale kundër Izraelit nga Libani dhe Siria. //a.i/