IZRAEL – ”Likud” kryeson me 56 mandate, e ndjekur nga ”Yashar!” me 48
TEL AVIV, 28 tetor /ATSH-TPS/- Me 3 413 319 vota të numëruara, rezultatet paraprake të zgjedhjeve për parlamentin e 26-të të Izraelit i japin bllokut të kryeministrit Benjamin Netanyahu 56 mandate, kundrejt 48 mandateve për bllokun e drejtuar nga Gadi Eisenkot.
Sipas numërimit të pjesshëm, partitë arabe sigurojnë gjithsej 16 mandate.
Partia ”Likud” e Netanyahut kryeson renditjen me 28 mandate, e ndjekur nga partia ”Yashar!” e Eisenkotit, me 21 mandate.
”Lista e Përbashkët” (Joint List) renditet me 12 mandate, ndërsa partia ”Together”, e drejtuar nga Naftali Bennett, siguron 11 mandate.
Partia ”Demokratët”, ”Judaizmi i Bashkuar i Torës” dhe ”Yisrael Beiteinu” marrin nga tetë mandate secila.
”Shas” dhe ”Fuqia Hebraike” (Otzma Yehudit) sigurojnë nga shtatë mandate, ndërsa ”Sionizmi Fetar” (Religious Zionism) dhe ”Zehut” marrin nga gjashtë mandate.
”Lista e Bashkuar Arabe” (”Ra’am”) rezulton me katër mandate, një rezultat që, nëse konfirmohet nga numërimi përfundimtar, do ta vendoste pranë kufirit zgjedhor prej 3,25% të votave të nevojshme për të hyrë në Knesset.
Rezultatet mbeten paraprake, pasi numërimi i votave vijon./ /Ad.Ab./ a.jor.