Ibraj: Nuk do doja që çështjet e liderve të opozitës t’i gjykonte Irena Gjoka

Avokati Kujtim Ibraj, i ftuar në Quo Vadis në Vizion Plus, ka komentuar rastin e gjyqtares Irena Gjoka.

Ai tha se nuk do të donte kurrsesi që të ishte kjo gjyqtare ajo që gjykon dosjet e nxehta të opozitës, pasi ka lënë shumë vend për anatemi.

Sipas tij, ajo që lë për të dëshiruar nuk është vetëm rasti i gjykimit të dosjeve të politikanëve, por edhe se çfarë mund të bëjë kjo gjyqtare përballë qytetarëve të thjeshtë.

“Unë nuk do të doja që çështjet e liderëve të opozitës t’i kishin rënë Irena Gjokës; do të doja t’i kishin rënë një gjyqtareje tjetër me integritet. Imagjinoni vendimet që mund të japë kjo ndaj Sali Berishës, çfarë mund të ndodhë ndaj qytetarëve të thjeshtë”, tha Ibraj.