Iken Picari, pritet Arben Sefgjini
Kryeministri Sali Berisha, shkarkon nga detyra drejtoreshen e Pergjithshme te Tatimeve, Gerta Picari, vetem 6 muaj pas marrjes se ketij posti. Pritet qe vetem sot te publikohet zyrtarisht shkarkimi i saj nga ky post dhe te emerohet zevendesuesi i saj. Burime nga Kryeministria ben te ditur dje se ne postin e lene bosh nga Picari do te emerohet, Arben Sefgjini. Sefgjini aktualisht ushtron funksionin e drejtorit te Pergjithshem te Zyres se Sherbimit Permbarimor do te marre nje dore drejtimin e tatim-taksave. Gerta Picari emerua ne postin e drejtoreshes se Pergjithshme te Tatimeve ne daten 25 prill te vitit qe shkoi, duke zevendesuar ne kete post Alfred Priftin, i cili dha doreheqjen. Me pare Picari ka qene drejtoreshe e Pergjithshme e Institutit te Statistikave, nderkohe qe nuk dihet ende nese do te ushtroje serish nje detyre te larte ne administraten shteterore. Pas largimit te Priftit nga kjo detyre, Kryeministri Berisha nuk eshte aspak i kenaqur nga arritjet e Drejtorise se Pergjithshme te Tatim-Taksave, ku mesohet se shkaku kryesor i largimit te Picarit eshte mosrealizimi i te ardhurave.