Interpoli ve ne pranga pese te kerkuar

TIRANE - Kater persona, te shpallur ne kerkim nderkombetar nga drejtesia shqiptare, jane ndaluar dy ditet e fundit, ne disa prej qyteteve evropiane, Athine, Bruksel dhe Rome, si rezultat i bashkepunimit te Interpol Tiranes me homologet e saja te huaja. Lajmi eshte bere i ditur nje dite me pare nga Drejtoria e Pergjithshme e Policise se Shtetit, e cila ka deklaruar se arrestimet jane bere pas denimeve te marra nga te kerkuarit. Burimet zyrtare nga uniformat blu, kane bere te ditur se forcat e policise greke ndaluan ne Athine, Agim Xhambazin, 45 vjec, me banim ne Tirane, pasi Gjykata e Shkalles se Pare per Krimet e Renda, ka vendosur ndaj tij masen e sigurise "arrest me burg" per vepren penale te "trafikimit te te miturve". Ky i fundit ka trafikuar familjen e tij, qe i ka detyruar te lypin ne Greqi. Nderkohe qe, ne Bruksel, forcat e policise se Belgjikes, kane ndaluar Dritan Xhelitan, nga Vlora, pasi Gjykata e Apelit Tirane, e ka denuar me 18 vjet burg per kryerjen e vepres penale te "vrasjes ne rrethana cilesuese, e mbetur ne tentative". Ky i fundit, ka plagosur shefin e krimeve te policise ne vitin 1998. Gjithashtu, autoritetet policore italiane mundesuan ndalimin e Lena Gjonit, nga Lezha, e cila ishte shpallur ne kerkim nderkombetar per "vrasje me paramendim", e cila ka vrare burrin e saj, duke e hedhur ne lum. Eshte kapur dhe Petrit Osmeni, nga Fieri, i denuar nga Gjykata e ketij rrethi me 9 vjet heqje lirie per vepren penale te "kryerjes se marredhenieve seksuale me dhune me te mitura, me shume se nje here". Nderkaq, dje, eshte ekstraduar nga Interpol Tirana, Shpetim Berberi, i denuar me 5 vjet burg, per vjedhje me dhune.