Irani ndalon dy inspektorë të AIEA-s

Qeveria e Teheranit ka ndaluar hyrjen në Iran të dy inspektorëve të Agjensisë Ndërkombëtare të Energjisë Atomike, me akuzën se kanë dhënë informacione të rreme mbi programin bërthamor të Republikes Islamike.

'La Repubblica' citon si burim te lajmit pergjegjesin e Agjensise Atomike Iraniane Ali Akbar Salehi. Ky i fundit ka thene se tashme Agjensia qe ai perfaqeson i ka nisur dy emrat e inspektoreve Agjensise Nderkombetare te Energjise Atomike, per te mos u kthyer me ne Iran, pasi sipas tij, ata kishin perhapur permbajtjen e raportit te Agjensise Atomike iraniane, perpara se ai te behej I ditur ne rruge formale dhe kishin dhene informacione te rreme.

Duke u bazuar ne Traktatin e mos-shperndarjes berthamore, sipas Salehit, i eshte kerkuar Agjensise nderkombetare qe te mos i coje me ne Iran keta inspektore, duke i zevendesuar me dy te tjere. Gjate konferences per shtyp nuk eshte bere e ditur nenshtetesia e inspektoreve, apo te detaje te tjera mbi ta. Gjithsesi, me pas eshte saktesuar, se Irani do te vazhdoje te mbetet i hapur ndaj inspektimeve te Agjensise Nderkombetare per Energjine Atomike, ne zonat e tij berthamore.