Ish- e përndjekura i bën pyetje Berishës, e nxjerrin me dhunë nga salla

Ka qenë ditë interesante ajo e djeshmja në Berat. Kryeministri Sali Berisha, që u prit me këngë e valle, organizoi edhe një takim me gratë e Beratit. Për çudi, takimi nuk u transmetua nga mediat, siç ndodh rëndom. Mesa duket Berisha e ka parandjerë një incident të mundshëm.

Dhe kështu ka ndodhur. Siç raporton Shqip, Polikseni Zoto, një ish- e përndjekur, ka marrë mikrofonin dhe e ka pyetur Berishën se përse në administratë ka vetëm emërime nepotike. Në këtë moment krerët e PD i kanë rrëmbyer asaj mikrofonin, duke e nxjerrë me dhunë nga salla.

Ndërsa Berisha thjesht ka buzëqeshur…/ep