Islami: Kutitë nuk do të hapen, PS do “thyejë” bojkotin
Ai deklaron se hapja e kutive nuk do të bëhet dhe as largimi i Sali Berishës nuk do të arrihet.
“Shanset janë që PS-ja të mos futet në zgjedhjet vendore dhe zgjedhjet e përgjithshme të zhvillohen në vitin 2013. Ka një mundësi të vogël që pas zgjedhjeve vendore, të jetë Berisha ai që pasi ka siguruar liberalizimin e vizave, të kërkojë zgjedhje të parakohshme. Por, edhe kjo ka shumë pak gjasa të ndodhë, sepse PS-ja, e papërgatitur politikisht dhe për më tepër me kërkesën për qeveri pa Berishën, do të kërcënonte me bojkotimin edhe të zgjedhjeve të përgjithshme, që do të ishte e papranueshme nga ndërkombëtarët. Sidoqoftë, është shumë larg për të gjykuar me probabilitet të lartë se çfarë do të mund të ndodhë, por fatkeqësisht PS-ja po ecën në këtë rrugë”, shprehet Islami në një deklaratë për mediat.
Gjithashtu, ai ka parashtruar edhe opsionet që deputetët e Partisë Socialiste të “thyejnë” bojkotin. Islami mendon se gjatë janarit deputetët opozitarë do të bëhen pjesë e Kuvendit.
“Ose për të paraqitur kërkesën e firmosur nga 20 mijë vetë për hapjen e kutive, ose nëse Gjykata Kushtetuese do të kthente marrëveshjen për kufirin detar, ose diçka tjetër. Dhe, me shumë gjasa, pas kryerjes së betimit dhe qëndrimit tanimë të shprehur qartë për refuzimin e hapjes së kutive të votimit nga maxhoranca, grupi parlamentar i PS-së do të dilte përsëri jashtë Kuvendit për të vazhduar bojkotin me të njëjtën kërkesë për hapjen e kutive të shoqëruar me protestën "Berisha Ik". Kjo gjë ka shumë gjasa të ndodhë në fillim të sesionit tjetër, në janar 2010”, thuhet në deklaratë.
“Shanset janë që PS-ja të mos futet në zgjedhjet vendore dhe zgjedhjet e përgjithshme të zhvillohen në vitin 2013. Ka një mundësi të vogël që pas zgjedhjeve vendore, të jetë Berisha ai që pasi ka siguruar liberalizimin e vizave, të kërkojë zgjedhje të parakohshme. Por, edhe kjo ka shumë pak gjasa të ndodhë, sepse PS-ja, e papërgatitur politikisht dhe për më tepër me kërkesën për qeveri pa Berishën, do të kërcënonte me bojkotimin edhe të zgjedhjeve të përgjithshme, që do të ishte e papranueshme nga ndërkombëtarët. Sidoqoftë, është shumë larg për të gjykuar me probabilitet të lartë se çfarë do të mund të ndodhë, por fatkeqësisht PS-ja po ecën në këtë rrugë”, shprehet Islami në një deklaratë për mediat.
Gjithashtu, ai ka parashtruar edhe opsionet që deputetët e Partisë Socialiste të “thyejnë” bojkotin. Islami mendon se gjatë janarit deputetët opozitarë do të bëhen pjesë e Kuvendit.
“Ose për të paraqitur kërkesën e firmosur nga 20 mijë vetë për hapjen e kutive, ose nëse Gjykata Kushtetuese do të kthente marrëveshjen për kufirin detar, ose diçka tjetër. Dhe, me shumë gjasa, pas kryerjes së betimit dhe qëndrimit tanimë të shprehur qartë për refuzimin e hapjes së kutive të votimit nga maxhoranca, grupi parlamentar i PS-së do të dilte përsëri jashtë Kuvendit për të vazhduar bojkotin me të njëjtën kërkesë për hapjen e kutive të shoqëruar me protestën "Berisha Ik". Kjo gjë ka shumë gjasa të ndodhë në fillim të sesionit tjetër, në janar 2010”, thuhet në deklaratë.