Italia nën pushtetin e flakëve, evakuohen disa fshatra

Italia është përfshirë nga zjarret, në mes të temperaturave ekstreme të të nxehtit.  Kryetari i bashkisë së Savogna d’Isonzo, Luca Pisk, ka nënshkruar një urdhëresë që urdhëron evakuimin e menjëhershëm të të gjithë fshatit San Michele del Carso , për shkak të erës së fortë që shtyn flakët drejt shtëpive.

Pavarësisht ndërhyrjes nga ajri të zjarrfikësve dhe mbrojtjes civile të Friuli-Venezia Giulia, zjarri vazhdon të avancojë.

Dy zjarre të reja shpërthyen në provincën e Gorizias, një në San Michele del Carso, ku 25 familje u evakuuan nga shtëpitë e tyre, tjetri në Devetachi, një fshat i Doberdo del Lago.

Mbrojtja civile është shprehur se situata po përkeqësohet.

Kushtet e zjarrit në Karst, në Brestovec, janë duke u përkeqësuar. Zjarri po arrin sërish në zonat e banuara, prandaj, përveç qytetit të San Michele del Carso, Devetachi dhe Marcottini po evakuohen”, tha struktura në një deklaratë.

Zjarret e tjera aktualisht aktive në janë ato të Taipana (Udine), në Gran Monte, në Frisanco (Pordenone), në Monte Raut, në Resia (Udine)./ TGCOM

/rtsh.al/